Med ein Åttring og fire Færingar stilt til disposisjon frå både museum og kystlag var det duka til rotur.
Læringsmåla for turen var;
1Kjenne historia til sognafæringen og korleis den vart brukt i Indre Sogn
2.Kjenne til Kystledet og korleis bruke robåt i friluftsliv undervisning
3.Gjennomføre trygg gruppeaktivitet på fjorden med robåt
4.Gjennomføre studenttema med tema turisme, naturbasert turisme og økoturisme.
Det1. punktet fekk vi gått igjennom når vi var på besøk på Båt-museet i Kaupanger. 2. punkt føltes som om det var dekka med kart og kompass rundt halsen, redningsvest over skuldrene og heile klassen plassert i alle båtane samt delt opp i ei lovleg stor gruppe per vegleiar.
Punkt 3 var ikkje like lett overstått..
Når vi kom ut av Aurlandsfjorden, og skulle rundt neset på Beitelen og inn i Nærøyfjorden vart vi møtt av kraftige vindar og bølger.
Færingen som eg var i var heldigvis rodd av to store arbeidshestar som ikkje lot seg skremme av litt skum på bølgetoppane. Sognebåtane har ein god design som gjer dei raske i vatnet, men dei vrir seg raskt sidelengs i bølgene og ripa er så lav at ei bølgje fort kan slå over. På dette punktet hadde dei tre båtane i mi gruppe fått god spredning og det kunne ha vore vanskeleg å få til ein redningsaksjon om ein skulle ha kantra. På ein så trafikert fjord er det så mange fergepasseringar at det er gode moglegheiter til å bli fiska opp om dei skulle havne i vatnet.
Rundt neset og inn i Nærøyfjorden la vinden seg og vi fekk nyte turen inn i ei naturperle.
Nærøyfjorden er ein veldig smal fjord(250m på det smalaste), omkrinsa av bratte fjellveggar og luftige toppar (opp til 1761moh).
14. juli 2005 blei Nærøyfjorden innskrevet på UNESCOs liste over verdens kultur- og naturarvsteder. Nærøyfjorden verdenshavpark er eit av pilotprosjektene i Verdiskapningsprosjektet til Riksantikvaren.
(Kjelde: Wikipedia (http://no.wikipedia.org/wiki/N%C3%A6r%C3%B8yfjorden)
Ingen kommentarer:
Legg inn en kommentar